Boerbok Uitvoere

Sedert 2006 in baie lande vertrou

Patriot Boerbokstoet voer vanaf 2006 ons top gehalte, suiwer en siekte-vrye Boerbokke na verskeie lande in die buiteland uit. Dié lande sluit in Abu Dhabi en Dubai in die UAE, Angola, Botswana, Bangladesh, DRK, Ghana, Kenia, Malawi, Mozambique, Rwanda, Sudan, Swaziland, Uganda, Zambië, Zimbabwe en ander.

Suid-Afrika is die bakermat van die Boerbokras. Dit is die standaard waaraan alle vleisbokke wêreldwyd gemeet word. Patriot Boerbokstoet is een van die min telers in Suid-Afrika wat aan alle wetgewing en regulasies voldoen om gehalte Boerbokke te kan uitvoer. Dit maak dus baie sin om gebruik te maak van 'n teler wat vanaf 1994 by die Boerbokbedryf betrokke is.

Ons bied 'n omvattende diens:

Voorsienning van top gehalte Boerbokke,
Kwarantyn in 'n geregistreerde fasiliteit op die plaas,
Alle veeaartsenykundige toetse soos deur die invoerpermit vereis word,
Inspeksies en registrasies deur die Suid-Afrikaanse Boerboktelersgenootskap,
Sertifisering en inspeksie deur 'n Suid-Afrikaanse Staatsveearts,
Alle vereiste permitte vir uitvoer,
Padvervoer en lugvrag,
Alle administrasie en dokumentasie.

Patriot Boerbokstoet is by die verskeie uitvoerinstansies geregistreer. Dit beteken dat jy as invoerder ten alle tye beskerm is teen wanpraktyke.

Indien jy sou belangstel om met Boerbokke in jou land te begin boer of indien jy inheemse bokke deur kruisteling aansienlik wil verbeter, het ons die regte bokke vir jou beskikbaar.

Kwarantyn Fasiliteite

Patriot Boerbokstoet beskik oor Staatsveearts-goedgekeurde kwarantynfasiliteite waar uitvoerdiere onder kwarantyn geplaas word voordat hulle uitgevoer word. Hierdie fasiliteite is volgens streng standaarde opgerig en voldoen aan alle vereistes wat deur die Departement Landbou gestel word.

Uitvoervrae

Lees asseblief voordat u ons kontak

Hoe kan ek as invoerder gerusgestel word dat Patriot Boerbokke nie 'n slenter is nie?
My naam is Johan Steyn, ek produseer reeds vir meer as 31 jaar top gehalte Boerbokke, vaarvan ek vir meer as 19 jaar na baie lande wêreldwyd toe uitvoer. Ek is deeglik daarvan bewus dat daar baie slenters en kriminele in dié bedryf is, soos maar met baie ander bedrywe. 'n Internet soektog sal vele verwysings, fotos van myself asook my Boerbokke oplewer. Ek is welbekend en gerespekteer in die bedryf. My direkte nommer is +27 nul ses drie ses twee nul vier sewe nul ses.Ek het geen anader kontak nommers nie. Ons adverteer nie op JunkMail, Gumtree en ander soortgelyke platforms nie. U is baie welkom om my te bel of te Whatsapp om u van my egtheid te vergewis. Selfoon ontvangs op die plaas is baie beperk maar Whatsapp werk goed.
Wat is die minimum diere wat uitgevoer kan word?
Die kapasiteit van 'n enkeldek lugvragkrat is 25 diere, hierdie is dus die mees koste doeltreffende getal diere om uit te voer. Baie lugrederye bied nie die opsie van kleiner krate aan nie. Dus, al word daar minder as 25 diere uitgevoer sal die lugvragkoste amper dieselfde as 'n vol krat diere wees.
Wat is die ouderdom van diere wat uitgevoer word?
Die jongste Boerbokke wat uitgevoer word is gewoonlik tussen 12 - 14 maande oud. Jonger diere pas beter en vinniger by hulle nuwe omgewing aan, kan die eise van die lang ritte beter hanteer en voorsien aan die koper 'n langer produksieleeftyd. Ons voer nie lammers of ooilammers uit nie. Ook nie laat dragtige diere wat moontlik kan aborteer nie.
Na watter lande word uitgevoer?
Ons voer diere uit na enige lande wie se veeaartseny vereistesons kan nakom en wat invoere van lewendige diere vanuit Suid-Afrika toelaat. Europa, Kanada, die VSA en 'n paar ander lande laat nie invoere toe nie, of hulle invoervereistes maak dat dit nie lewensvatbaar is om na hulle toe uit te voer nie.
How word betaling gemaak?
Betaling word vooraf gemaak voordat die Boerbokke in kwarentyn geplaas word. Ons werk nie met "Letters of Credit" (LOC) nie. Lande soos Pakistan, Bangladesh, Indië en Nepal vereis betaling slegs deur LOC wat die uitvoer na die lande baie moeilik maak. Die koper word aangeraai om die vereistes vooraf vas te stel omdat dié van tyd tot tyd verander.
Hoe word diere vervoer?
Boer Goats being exported to SADEC countries like Eswatini, Lesotho, Zimbabwe, Botswana and Namibia are transported by road. Boer Goats to all other countries are sent by air freight. This is due to the long distances involved and the undue stress this places on the animals. In 19 years of exports, we have never had one single en route mortality nor any injuries. We are proud of our record in this regard and aim to maintain it. Not all countries are served by suitable flights for live animals and in this instance we are not able to export to that specific country. Road freight is often subject to corrupt demands for bribes at border posts or road blocks to expedite border crossings. These can be substantial sums and is an unjust increase in costs for the buyer.
Wat behels die uitvoer van lewendige diere?
Die koper moet 'n pro-forma invoerpermit of die veeaartsenyvereistes van die invoerland verskaf. Sodra ons in besit hiervan is, kan ons vasstel of dit moontlik is om daaraan te voldoen. Ons kan na meeste lande toe uitvoer. Dié vereistes kan moontlik bloedtoetse, inentings, kwarentynduur, Staatsveeaarts inspeksies en ander insluit.
Kan ek die plaas besoek?
Ja, u is baie welkom om ons op die plaas te besoek. Ons is sowat 650km vanaf Johannesburg Lughawe geleë. Ons kan kontakbesonderhede vir akkommodasie asook vervoerdienste aan potensiële kopers verskaf. Akkommodasie is by goeie gastehuise asook by die Philippolis Inn beskikbaar. Ons is sowat 40km per grondpad vanaf Philippolis.